Mara Producións

 O mar está en perigo. Nun mercado cada vez máis global, onde a demanda de productos mariños se incrementa de forma crecente, a sobreexplotación, a contaminación e os efectos devastadores do cambio climático ameazan a supervivencia dos recursos, dos propios pescadores e dun xeito de vida e unha cultura vinculada aos pobos costeiros.
Algunhas especies como a langosta xa desapareceron do noso litoral e os propios pescadores artesanais considéranse unha especie en vías de extinción. EMPRENDEDORES propónse dar a coñecer iniciativas postas en marcha por algunhas cofrarías galegas, en contacto con outras comunidades pesqueiras do Atlántico, a favor dunha pesca sostible que consiga paliar as conductas depredadoras. Pero, ¿son realistas estas iniciativas? ¿Conseguirán deixarlle aos seus fillos o mar nunhas condicións semellantes a como eles o recibiron?